Drejtori i Përgjithshëm i Policisë së Shtetit, Muhamet Rrumbullaku ka dhënë një deklaratë për shtyp pas aksidentit tragjik në Sarandë, ku humbën jetën dy turistë italianë. Si pasojë është pezulluar nga detyra Shefi i Seksionit të Policisë Rrugore në Komisariatin e Policisë Sarandë, Nënkomisar Adriatik Shehu.
Arsyeja kryesorë ka qenë fakti që një 17-vjeçar lëvizte në Sarandë pa patentë. Ai u përplas me motorin me dy italianët të cilët ndërruan jetë. Shehu nuk ka ushtruar kontrolle dhe monitorim te vazhdueshem te ketij aksi tejet te ngarkuar ne sezonin veror.
Dy italianët ishin duke u kthyer nga Ksamili në Sarandë ndërsa adoleshentët që drejtonin mjetin tip Benz ishin duke shkuar në Ksmail nga Saranda. Ka qenë një devijim i gabuar i 17-vjeçarit pa patentë i cili i ka prerë rrugën motorit tip ‘Honda’ Gritto Domenico dhe Vicenzo Tizziano.
Ka nisur menjëherë edhe hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik.