Komuna e Strugës vendosi sot të ndalojë shëtitjen e pushuesve me bikini dhe brekë plazhi në qendër të qytetit. Në njoftim thuhet se ky vendim u mor për arsye morale dhe etike ndaj bizneseve dhe qytetarëve.
“Respektimi i rendit publik! “Me qëllim respektimin e rendit publik, sidomos gjatë sezonit veror turistik, përgjatë shëtitores qendrore (prej te Ura e Qarshisë dhe deri te Tregu i Gjelbër), ndalohet shëtitja me bikini dhe brekë plazhi gjatë gjithë ditës. I lusim të gjithë mysafirët dhe turistët, të cilët po freskohen në liqen apo te Drini i Zi, që t’i respektojnë rregullat e mirësjelljes dhe të rendit publik, duke mos shfaqur lakuriqësi në sipërfaqe dhe hapësira publike”, thuhet në njoftim.