Një turiste nga Peruja u bllokua midis shkëmbinjve pranë Ujëvarës së Sotirës në Gramsh.
Ajo ishte duke eksploruar në këmbë zonën kur mbeti e bllokuar për shkak të terrenit të vështirë.
Pas marrjes së njoftimit, shërbimet e Komisariatit të Policisë Gramsh u nisën në drejtim të zonës ku kishte mbetur e bllokuar turistja, dhe bënë të mundur nxjerrjen e saj nga terreni i vështirë.
Më pas, i është ofruar shërbimi mjekësor dhe mësohet se aktualisht ndodhet në gjendje të mirë shëndetësore.