Autoritetet turke kanë vënë në pranga një tjetër biznesmen turk, pasi në pallatet e ndërtuara prej tij humbën jetën mbi 100 banorë si pasojë e tërmetit të 6 shkurtit.
Yasin Akbas është kontraktori i 3 komplekseve në Provincën Adiyaman, ku më shumë se 100 qytetarë humbën jetën nën rrënoja.
Departamenti i Luftës Kundër Krimeve Financiare në Turqi ka krye një kërkim në lidhje me hetimin që po bëhet ndaj krimeve të tërmetit të individëve që konsideroheshin përgjegjës për ndërtesat e shkatërruara për shkak të mosrespektimit të legjislacionit gjatë fatkeqësisë së tërmetit, të cilët tashmë janë të dyshuar për vrasje nga pakujdesia.