Turqia ka shtuar përpjekjet diplomatike për t’i dhënë fund konfliktit në Lindjen e Mesme, përmes një serie kontaktesh me aktorë kyç ndërkombëtarë. Ministri i Jashtëm turk, Hakan Fidan, ka zhvilluar bisedime telefonike me homologët dhe zyrtarë të lartë nga disa vende dhe organizata ndërkombëtare.
Sipas një burimi diplomatik turk, Fidan ka diskutuar hapat e mundshëm për ndalimin e luftës që përfshin Iran, Shtetet e Bashkuara dhe Izrael. Ai ka zhvilluar telefonata të ndara me ministrin e Jashtëm iranian, Abbas Araqchi, ministrin e Jashtëm egjiptian, Badr Abdelatty, si dhe me përfaqësues të Bashkimi Evropian dhe zyrtarë amerikanë.
Gjithashtu, në bisedime ka qenë e përfshirë edhe shefja e politikës së jashtme të BE-së, Kaja Kallas. Megjithatë, burimi nuk ka dhënë detaje shtesë mbi përmbajtjen konkrete të diskutimeve.
Këto zhvillime vijnë në një moment tensionesh të larta në rajon, ndërsa Ankaraja synon të luajë një rol aktiv në uljen e tensioneve dhe arritjen e një zgjidhjeje diplomatike.