Një 11-vjeçar ka ndërruar jetë ditën e sotme në spitalin e Traumës në Tiranë. I mituri u aksidentua ditën e djeshme nga një 45-vjeçar në Gjirokastër.
Ngjarja e rëndë ndodhi mbrëmjen e kaluar ku shtetasi S. S., 45 vjeç, banues në Sarandë, në aksin rrugor Gjirokastër-Kakavije, në vendin e quajtur “Ura e Çapos” , teksa drejtonte automjetin tip “Renault”, ka aksidentuar shtetasin e mitur S. P., 11 vjeç.
45-vjeçari është vënë në pranga nga policia për krimin. Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.