Ishte arratisur nga burgu në Itali më 26 maj të vitit të shkuar, por është kapur në një lokal ku po festonte ditëlindjen e të dashurës.
Mediat italiane shkruajnë se Ervis Markja është kapur “mat” teksa një polici i infiltruar ishte si i ftuar në festë.
26-vjeçari u arratis nga burgu italian në provincën Carinola bashkë me një tjetër shtetas shqiptar që quhet, Adriatik Gega, duke u varur me çarçafë nga qelia.
Markja ishte arrestuar fillimisht në janar 2016 së bashku me dy të tjerë, pas një arratisjeje në të cilën kishte sulmuar një makinë policie.
Sakaq, Adriatik Gega u arrestua në vitin 2012 në krahinën e Beneventos, i akuzuar se ishte pjesë e një bande të specializuar për grabitje, së bashku me tre të tjerë.