Lirohet nga qelia ish-drejtori i Operatorit të Shpërndarjes së Energjisë Elektrike në Mirditë, Altin Nikolli, i cili u arrestua në qershor për plagosje.
Gjykata e Lezhës vendosi ndaj tij masën e sigurisë “Arrest në shtëpi”. Me ndryshimin e akuzës nga “Plagosje e rëndë me dashje” në “plagosje ne kufijtë e vetëmbrojtjes”, ndryshoi edhe masa e sigurisë.
Kjo pasi sipas organit të akuzës nga hetimet ka rezultuar ai ka qëlluar me sende të forta për vetëmbrojtje.
Nikolli u arrestua me 16 qershor pasi u përfshi në konflikt me një bashkëfshatar të tij në zonën e Fanit në Mirditë. Konflikti mes tyre mësohet të ketë ndodhur për çështje pronësie.