Bajram Begaj është betuar ditën e sotme në Kuvendin e Shqipërisë si president i rio i vendit. Në fjalën e tij para të pranishmëve në seancë, Begaj tha se ai do të jetë në shërbim të qytetarëve.
Ndërkohë që u bëri thirrje forcave politike që të bashkëpunojnë ë për të çuar përpara Shqipërinë Europiane.
“Përgjegjësi që vjen në një moment historik. Shqipëria evropiane, sot premtim e nesër realitet. Shqipëria evropiane, Shqipëria e Gjergj Kastriotit e Nënë Terezës”. “Shqipëria evropiane kurora e ëndrrës historike të popullit shqiptar”. Në tryezën e dialogut për të provuar kapitull pas kapitulli, denjësinë tonë si shtet. Mbështes dhe e respektoj punën e qeverisë, por nuk justifikohet asnjë dështim. Mbështes dhe e respektoj opozitën, por të mos shihet konflikti përpara bashkëpunimit. Të mos lutet dështimi përpara gjetjes së zgjidhjeve. Po jetojmë kohët më të vështirat që prej Luftës së Dytë Botërore. Agresioni rus ka futur botën në një tjetër krizë. Shqipëria dhe shqiptarët të rreshtuar në anën e duhur, përkrah aleatëve. Angazhimi ynë është të gjejmë mënyra për të lehtësuar situatën. Këtë mision do ta kryej mbi palët. Nuk do të qëndroj neutral ndaj asnjërit që vendos interesat politike mbi atë të Kombit. Do të mbështes dhe këmbngul për bashkëpunimin mes të gjitha forcave politike. Kemi nevojë të ridimensionojmë besimin publik. Të largohemi nga politika e konfrontimit dhe ta zëvendësojmë atë me politikën e dialogut. Të konsolidojmë shtetin e së drejtës, demokratik e social. Të luftojmë për të rigjetur vlerat e humbura dhe forcimin e atyre që me shumë mund i kemi ndërtuar. Nevojitet unitet më shumë se çdo herë, për të siguruar vitalitetin e kombit tonë. Të gjithë së bashku ta bëjmë Shqipërinë tonë edhe më të bukur, për të qenë në vendin që i takon”, tha Begaj.