Lady Gaga u detyrua të ndërpriste koncertin e fundit të turneut të saj Chromatica Ball në Florida pas një stuhie të fortë.
Ylli i muzikës iu kërkoi falje fansave duke thënë: “Vërtet u përpoqëm ta përfundonim shfaqjen sonte në Miami”.
Edhe pse ajo kishte shpresuar se stuhia do të kalonte, koncerti përfundimisht duhej të anulohej.
“Ajo që dua vërtet është të jem gjithashtu e përgjegjshme. Nuk e di se çfarë do të bëja nëse diçka do t’i ndodhte dikujt në audiencë, ose ndonjë anëtari të ekipit tim, grupit tim, kërcimtarëve të mi. Pra, më vjen keq që nuk arritëm të bënim performancën epike të Rain On Me në shi”, u shpreh këngëtarja me lot në sy.