Identifikohet trupi i të riut i gjetur pa jetë në brigjet e Vlorës. Viktima është Sokol Shytre 22 vjeç, banues në Tiranë. I riu u gjet në det me dëmtime në kokë.
Në përfundim të ekspertizës mjekoligjore, të riut i janë konstatuar disa hematoma në kokë. Ende nuk dihet nëse këto hematoma janë shkaktuar nga dhuna e ushtruar ndaj tij apo si pasojë e përplasjes me shkëmbinjtë në det.
“Më datë 08.02.2021, në orën 11:15, në afërsi të Petroliferës, Vlorë, është gjetur i pajetë në breg të detit, dyshohet i mbytur, një shtetas i seksit mashkull, ende i paidentifikuar, rreth 30 vjeç”, sqaroi policia dje.