Banorët e Samos në Greqi do të evakuohen nga ishulli pasi ndërtesat kanë pësuar dëmtime të mëdha nga tërmeti i fuqishëm 6.7 ballë në Detin Egje. Kanë qenë autoritetet lokale që kanë bërë të ditur njoftimin.
Kjo për shkak të frikës se pasgoditjet që po vijojnë, mund të shkaktojnë dëme të tjera në këto ndërtesa dhe t’i rrëzojnë plotësisht.
Sipas një njoftimi emergjent të lëshuar mbrëmë nga Komuna e Samosit Lindor, “e gjithë popullsia po evakuohet në mënyrë të organizuar”, dhe po akomodohen në hotele.
Por, sipas mediave, greke, frika e ngritur nga shkencëtarët është se pasgoditjet mund të arrijnë edhe në lëkundje të forta me magnitudë deri në 6 ballë.
“Ky vendim u gjykua i domosdoshëm për të siguruar mbrojtjen e qytetarëve nga rreziku i rrëshqitjeve së dherave, lëkundjet e nga shembjet e ndërtesave ose elementeve të tyre gjatë periudhës pas tërmetit. Ky vendim është marrë për shkak të pasgoditjeve, që shkakton rrëshqitje të dheut, por edhe nga frika e një termeti të fortë që sipas shkencëtarëve pritet të arrijë edhe 6 Rihter”, shkruajnë mediat greke.