Një ngjarje e trishtë ka tronditur në orët e vona të mbrëmjes së djeshme qytetin e Rrëshenit, aty ku një e re i ka dhënë fund jetës duke u hedhur nga kati i 11 i pallatit.
Raportohet se e reja quhet Adela Gjoka, e cila ishte në vitin e fundit në fakultetin e Inxhinierisë së Ndërtimit në Tiranë, ndërsa ditët e fundit kishte shkuar në familjen e saj në Rrëshen pasi ndodhej në gjendje të rënduar shëndetësore. Familjarët e Adelës i kanë thënë mediave se pak ditë më parë ajo kishte shkuar në spital për kontroll por asgjë nuk kishte ndryshuar në gjendjen e saj shëndetësore.
Stresi i provimeve dhe problemet e rënda ekonomike e kanë shtyrë Adela Gjokën, studente në vitin e fundit të fakultetit të Inxhinierisë, të vetëhidhej nga kati i 11 i pallatit në të cilin banonte. Vetë i ati i Adelës punonte si roje në pallatin ku ata banonin, pasi dhe banesën i’ua kishte falur pronari sepse nuk kishin mundësi ekonomike.
Vdekja e të resë ka tronditur komshinjtë dhe gjithë qytetin e Rrëshenit.