Qeni i presidentes moldave Maja Sandu sulmoi presidentin austriak Alexander Van der Bellen, duke e kafshuar në dorë, gjatë vizitës së këtij të fundit në Moldavi.
Pamjet e këtij incidenti kishin bërë xhiron në internet, ndërsa presidentja moldave kërkoi falje dhe shpjegoi se qeni kishte frikë nga një numër i madh njerëzish aty pranë.
Van der Bellen u shfaq me dorën e fashuar në takimin e tij të radhës, me kryetarin e parlamentit të Moldavisë.
Zyra e tij ka dalë me një deklaratë për të treguar gjendjen e tij shëndetësore.
“Ishte një plagë e vogël që u trajtua me fashë”, duke shtuar se presidenti austriak “është mirë”.