Policia italiane ka arrestuar një 30-vjeçar në Perugia, i cili akuzohet për trafik droge.
I riu u ndalua nga karabinerët, të cilët i gjetën brenda xhaketës që kishte veshur një tub karamele me 38 mbështjellës celofani me kokainë, gjithsej 20 gr.
Sakaq, gjatë kontrollit të ushtruar në banesë, u gjetën në një sirtar të një mobileje 7 doza kokainë, me peshë totale 5 gramë dhe një zarf më i madh, me peshë 95 gram, po me kokainë. Po ashtu u gjetën edhe një sasi parash, me siguri të gjeneruara nga aktiviteti kriminal.