Dy shqiptarë janë arrestuar nga policia greke në rajonin e Kozanit, nën akuzën e trafikut të lëndëve narkotike.
Në pranga ranë një 31-vjeçar dhe një grua 51 vjeçe, pasi gjatë kontrollit të kryer në automjetin e tyre me targa greke, u gjet sasia prej 51.5 kg kanabis.
Automjeti i trafikantëve u bllokua në aksin Kozani-Selanik në një postbllok të ngritur prej policisë helene për arrestimin e trafikantëve të narkotikëve.
Autoritetet greke thanë se dy të arrestuarit kishin marrë sasinë e drogës në vijën kufitare mes Shqipërisë dhe Greqisë, dhe do ta dërgonin atë në Athinë.
Policia sekuestroi lëndën narkotike,dy automjete, disa telefona si dhe 1000 euro cash.