Ambasadorja e ShBA-ve në Tiranë, Yuri kim, ka zhvilluar ditën e sotme një takim me kreun e Prokurorisë së Posaçme, Arben Kraja. Përmes një postimi në Twitter, Kim ka renditur disa nga arritjet e SPAK në luftën kundër krimit dhe korrupsionit, ku përmend sekuestrimin e mbi 70 milionë euro aseteve të botës së krimit.
Ambasadorja thekson në postimin e saj se Reforma në Drejtësi po jep rezultate.
“Takim i mirë sot me shefin e SPAK-ut Arben Kraja. SPAK po jep goditje kundër krimit të organizuar dhe korrupsionit: 588 çështje të ndjekura penalisht; 70 € + milionë në asete të konfiskuara; U hetuan 748 persona, nga të cilët 288 të arrestuar & 114 të dënuar deri më tani. Reforma në Drejtësi po jep rezultate”, shkruan Kim në Twitter.