Një 29-vjeçar u arrestua nga policia pas protestës së opozitës para paralementit. Në një njoftim zyrtar, policia tha se u arrestua Olsi Albarjami nga Elbasani, pasi akuzohet se kundërshtoi punonjësit e policisë.
“Ky shtetas gjatë protestës ka kryer veprime të kundraligjshme ndaj punonjësve të Policisë në detyrë, veprime të dokumentuara me pamje filmike. Më pas ai është goditur nga protestues të tjerë me pretekstin se ishte punonjës policie dhe ishte i infiltruar në protestë”, sqaron policia.
Policia thotë se veprimet e këtij shtetasi i ka publikuar në rrjetin social facebook Sali Berisha duke e etiketuar si punonjës policie.