Ditën e sotme është dorëzuar në Gjykatën e Lartë rekursi për Ergys Kolaverin, i cili u lirua para pak ditësh nga gjykata e Apelit Tiranë. Prokuroria kërkon kthimin e tij në burg.
Gjykata e Apelit të Tiranës liroi Ergys Kolaverin më datën 16 janar 2020. Ai ishte dënuar me 20 vite burgim nga ish-Gjykata e Krimeve të Rënda si të implikuar në atentatin me snajper që kishte në shënjestër hasmin e tij Gazmir Dacin.
Ky i fundit mbahej në paraburgimin e Vaqarrit si i dyshuar për vrasjen e vëllait të Kolaverit , Valmir Kolaveri dhe plagosjen e rëndë të Robert Kolaverit që më pas solli edhe përplasjen për shkak të gjakmarrjes.
Gjyqtarët konstatuan humbjen e fuqisë së masës së sigurisë ndaj 29-vjeçarit , i arrestuar gjatë 2016-ës menjëherë sapo në burgun e Vaqarrit ngeli i plagosur një shtetas ndërsa në planin e vrasësve ishte eleminimi i të burgosurit, Gazmir Daci.