Prezantuesi i shumë komentuar, Hermes Nikaj, i njohur si “Zogu i Tiranës”, javën e kaluar u lirua nga Burgu 313, ku qëndroi për gati 5 muaj, pas arrestimit nën akuzat e Prostitucionit. Gjykata e Rrethit Gjyqësor Tiranë ka ndryshuar masën e sigurisë nga Arrest ne Burg në Arrest në Shtëpi.
Burime të afërta për “Xing.al” bëjnë me dije se Hermes kaloi një krizë nervore gjatë periudhës në izolim dhe gjendja e tij shëndetësore ishte e rënduar. Ndërkaq, mësohet se Hermes është përfaqësuar nga avokati i njohur Perlat Kocillari që ka në ngarkim edhe dosjen e këtij të fundit.
Hermes Nikaj njihej për jetën e tij mes luksit dhe udhëtimeve të shpeshta në destinacionet më të shtrenjta të botës, ku ka ekspozuar edhe resortet me 5 yje. Me postimet e tij në rrjetet social vihej re se prezantuesi ishte i fiksuar edhe me markat e luksit si ‘Versace’ apo ‘Guçi’. Ai është komentuar shpesh edhe për pozat perpara tufave te medha me para dhe dhuratave prej markave me luksoze.