Policia e Kosovës ka njoftuar se ka arrestuar një shtetase të Shqipërisë në Ferizaj, pasi ka sulmuar fizikisht zyrtarët policor.
Rasti ka ndodhur ditën e diel, ndërsa polici i lënduar ka marrë trajtim mjekësor.
“Është arrestuar e dyshuara shtetase e Shqipërisë pasi ka fyer dhe sulmuar fizikisht zyrtarët policor të cilët e kanë ndaluar pasi kishte shkaktuar kundërvajtje në komunikacion. Lidhur me rastin, si pasojë njëri nga viktimat ka pranuar trajtim mjekësor, ndërsa e dyshuara pas intervistimit me vendim të prokurorit është liruar në procedurë të rregullt”, njofton Policia.