Ledjana dhe Mevlani ishin një nga çiftet më të dashura për publikun, gjatë kohës së “Për’puthen”.
Ndonëse dolën bashkë nga emisioni, ata u duk se u ndanë përfundimisht pak javë më pas. Madje, ish-konkurrentja hodhi dyshime se Mevlani ka vjedhur këngën që i kishte dedikuar asaj. Ky i fundit, iu kundërpërgjigj vetëm pak ditë më parë duke e fshirë atë nga YouTube. Luhatjet dhe “thumbat” vazhduan mes tyre dhe ndonëse u tha se janë ribashkuar diçka e tillë nuk ndodhi.
Edhe pse tashmë u bënë kohë që janë ndarë, fansat nuk reshtin së pyeturi Ledjanën në lidhje me Mevlanin. Së fundmi, ajo ka realizuar një “mini-intervistë” virtuale, ku një prej ndjekësve e pyet nëse mendon për atë personin, dhe me siguri po i referohet Mevlanit. Ledjana ndërkohë, i është përgjigjur, duke treguar se është gjithë ditën aktive me punë dhe nuk ka kohë të mendojë për askënd. “Unë nga mëngjesi deri në darkë e aktivizoj veten me punë dhe angazhime në mënyrë që të mos kem kohë për të menduar për askënd. Hmmm nëse do të ishte si thua ti fatkeqësisht të gjithë personat që i dua I kam larg për momentin. Ndaj se di kë të mendoj më përpara”, shkruan ajo, duke treguar kështu se e ka lënë pas historinë me Mevlanin.
Ndërkohë, ish-konkurrenti ka treguar se është penduar për zgjedhjet që ka bërë në program. Zgjedhja e tij ishte Ledjana, ndaj duket se ai ka ndryshuar mendje pas daljes nga programi, duke shuar kështu edhe një herë “shpresën” e ndjekësve, për një ribashkim të mundshëm.
