Edhe pse u nis për një moment historik, si gruaja e parë që mori iniciativën për të shkuar me not nga Otranto në Vlorë, avokatja shqiptare që jeton në Australi, Eva Buzo është shtruar në spitalin e Vlorës. Ajo ka shfaqur problemeve shëndetësore që e detyruan të ndërpresë sfidën e nisur prej mëngjesit të djeshëm.
Eva Buzo është vendosur në terapi intensive menjëherë, teksa sipas mjekëve ka hipotermi për shkak të qëndrimit në ujë. Avokatja u nis mëngjesin e djeshëm nga Otranto, Itali për të mbërritur me not në Vlorë, por pas rreth 27 orësh në det u detyrua të ndërpresë sfidën 10 milje nga Karaburuni. Ajo u dërgua me urgjencë në spital, ku ndodhet nën kujdesin e mjekëve.
Guximi i Eva Buzos ka tërhequr vëmendjen edhe të Kryeministrit Edi Rama, i cili ka ndarë në rrjetet e tij sociale këtë nismë. Eva e cila e ka pasion notin ka patur edhe aventura të tilla më parë. Eva notoi për 2 ditë më radhë në lumin Derëent, në Australi atje ku jeton, në Marsin e 2022, duke përshkuar 75 kilometra. Më 13 qershor po të 2022 ajo kaloi liqenin e Gjenevës duke notuar për 69 kilometra. Kanë qenë të paktë ata që e kanë bërë një gjë të tillë.