Mesohet posti i ri të ish-drejtorit të Policisë së Tiranës Kastriot Skënderi. Ai u shkarkua dje me argumentin se policia nuk ishte efikase në ngjarjen ku banorët u përplasën me përmbarimin te ‘Petro Nini’.
Skënderi është emëruar këshilltar i drejtorit të përgjithshëm të Policisë së Shtetit Ardi Veliu. Ai qëndroi vetëm një vit në krye të Policisë së Tiranës. Ai u emërua në 15 shkurt të vitit të kaluar, ndërsa dje u shkarkua.
Ai më parë ka mbajtur detyrën e Drejtorit të Kufirit në Tiranë, por edhe drejtorit të policisë së Gjirokastrës e Vlorës.