Kreu i Kuvendit, Niko Peleshi ka miratuar disa ndryshime në Komisionet Parlamentare dhe Grupet e Miqësisë, të cilat janë raportuar edhe ditën e djeshme.
Peleshi bëri me dije se Pirro Vengu ish-ministër i Mbrojtjes, dhe Elisa Spiropali ish-ministre e Jashtme, janë caktuar si anëtarë dhe kryetarë të disa grupeve të miqësive me disa vende të botës.
“Me shkresën numër 1083 të kryetarit të Grupit parlamentar të Partisë Socialiste, Deputeti Pirro Vengu caktohet kryetar në grupin e miqësisë Shqipëri-Francë dhe anëtar në grupet e Miqësisë Shqipëri-Shtetet e Bashkuara të Amerikës dhe Shqipëri-Zvicër.
Deputetja Elisa Spiropali, caktohet anëtare në grupin e miqësisë Shqipëri-Shetet të Bashkuara të Amerikës, Shqipëri-Izrael dhe Shqipëri-Gjermani”, është shprehur Niko Peleshi.
Kujtojmë se Vengu dhe Spiropali u shkarkuan pas ndryshimeve të bëra nga Kryeministri në kabinetin qeveritar.