U vra apo inskenim?! Rama-policisë: Tregoni është vrarë apo jo Ervis Martinaj, jepini fund këtij seriali

Kryeministri Edi Rama, në një konferencë për shtyp ka folur për herë të parë për të shumëkërkuarin Ervis Martinajn, i cili prej disa javësh është zhdukur dhe nuk dihet fati i tij, nëse është vrarë apo ka inskenuar ndonjë ngjarje për t’i shpëtuar drejtësisë.
“Ky Gusht dhe gjithçka që ka ndodhur në këtë Gusht duhet të shërbejnë si shuplakë për t’u ngritur në këmbë dhe për të vrapuar drejt objektivave më ambicioze për Policinë e Shtetit. Si është e mundur që Policia e Shtetit akoma sot, tani që flasim nuk e ka një përgjigje për fatin e njërit prej profileve më të larta të krimit të organizuar në Shqipëri? Unë nuk e kam dëgjuar. Është e papranueshme që me javë të tëra mëngjeset dhe darkat e shqiptarëve janë bërë si një Big Brother i kronikës së zezë. Jo u vra, jo s’u vra ai që ishte i shumëkërkuar nga drejtësia dhe çfarë nuk dëgjojnë njerëzit lloj-lloj legjendash me luanë, me bamirësa, me oligarkë, shto ujë e shto miell si një serial absurd për një nga figurat më të zeza të botës së krimit shqiptar dhe Polciia e Shtetit, sot nuk di ta thotë akoma, ore u vra apo nuk u vra? Kush e ka penguar që ta thotë?”, Rama.