U vra me thikë, trupi i të riut ende në morgun e spitalit të Bulqizës. Nuk ka mjek për autopsinë

Plaga e vrasjes të të riut për familjen Manjani, të cilës mbrëmë iu vra me thikë, nuk ka fund. Mes dhimbjes për humbjen e të dashurit të tyre, familja nuk ka mundur që të tërheqë trupin e pajetë të 26-vjeçarit Dritan Manjani i cili u vra para shtëpisë së tij nga 30-vjeçari Dorjan Dema. Familjarët thonë se shkak është bërë mungesa e mjekut ligjor në spitalin e Bulqizës. Për shkak se në këtë spital mungon mjeku ligjor, është dashur që të vijë një mjek nga Tirana për të kryer autopsinë e trupit të viktimës.