Në moshën 25-vjeçare, Brie Duval po jetonte jetën e saj më të mirë. Ishte zhvendosur nga Australia në Kanada, gjeti punën e ëndrrave dhe kishte qenë në një marrëdhënie të shkëlqyer për katër vjet. Por gjithçka ndryshoi pas një aksidenti fatal që pësoi në gusht 2021.
Ajo u transferua menjëherë në spital dhe u konstatua se ka një dëmtim traumatik në tru dhe shumë kocka të thyera. Brie ra në koma për për katër javë dhe mjekët i thanë nënës së saj se kishte vetëm 10 për qind mundësi që ajo të mbijetonte. Për fat të mirë, prindërit e saj nuk lejuan t’i fiknin pajisjet që e mbanin në jetë dhe brenda tre javësh ajo filloi të zgjohej.
Kur më në fund u zgjua, ajo kishte një lloj amnezie, por shpejt kujtesa filloi t’i kthehej dhe arriti të kujtonte gjëra të rëndësishme nga jeta e saj. Por ajo që pasoi e theu zemrën e saj. I dashuri i saj, me të cilin bashkëjetonte para aksidentit e kishte bllokuar në të gjitha rrjetet sociale dhe kishte gjetur një tjetër.
“Më në fund mora telefonin dhe mendimi im i parë ishte ta telefonoja dhe të shihja nëse ai e di se çfarë ndodhi, sepse ai nuk më vizitoi kurrë në spital. Doja t’i shkruaja dhe pastaj papritmas mora një mesazh nga një grua që thoshte se tani ishte me të dhe se jetonin bashkë me djalin e saj.”, tha ajo.