Policia greke ka kryer identifikimin e një 48-vjeçari shqiptar që mashtronte të moshuar në zona të Thesprotisë.
Sipas informacioneve, 48-vjeçari është anëtar i një organizate kriminale që kryente mashtrime me të moshuarit për t’u zhvatur para.
Sipas të njëjtave informacione, 48-vjeçari është përfshirë në të paktën dy mashtrime ndaj të moshuarve në Filiates dhe Igumenicë, ku vlera e parave të marra arrin në 140 mijë euro.
Mashtruesi 48-vjeçar shqiptar i ka bindur të moshuarit se të afërmit të tyre i duheshin shuma të mëdha për operacion pas një aksidenti automobilistik. Tashmë 48-vjeçari përballet me kallëzim penal.