Policia e Shtetit ka ushtuar kontrolle në aksin e ri rrugor Kardhiq – Delvinë.
Gjatë 48 orëve të fundit, si pasojë e monitorimeve në këtë segment rrugor, janë pezulluar 20 leje drejtimi. Shkak është bërë shpejtësia mbi normën e lejuar.
“Po ashtu, janë vendosur 95 masa administrative për qarkullim me shpejtësi, por pa sanksionin e pezullimit të lejes së drejtimit; 67 masa administrative, për parakalime të gabuara; 54 masa, për përdorim të celularit gjatë drejtimit të automjetit dhe 50 masa, për mospërdorim të rripit të sigurimit”, thuhet në njoftimin e policisë.