Teksa ushtria ruse është tërhequr nga pjesa më e madhe e territorit ukrainas, duke u përqëndruar në lindje, Kievi zyrtar ka nisur ‘gjuetinë’ e tradhtarëve të luftës.
Tabloidi britanik “The Sun” raporton se shërbimi informativ dhe forcat speciale të Ukrainës kanë nisur një operacion për identifikimin dhe arrestimin e të gjithëve atyre që kanë ndihmuar duke u dhënë informacion, por po ashtu edhe me armë e forma të tjera, ushtrinë ruse gjatë luftës.
Një ndër të parat që ka rënë në ‘rrjetë’ ka qenë kryetarja e një fshati në afërsi të Kievit, e cila akuzohet se informonte ushtrinë e Putinit për lëvizjet e ushtrisë mbrojtëse të Ukrainës, e po ashtu për zbulimin e emrave të gjeneralëve, ushtarëve, forcave anti-terror që përbënin ‘shtyllën kurrizore’ të rezistencës ukrainase.
Nadiya Antonova u gjet e fshehur në bodrumi ne banesë së saj, ndërsa në momentin e arrestimit ajo iu drejtua ushtarëve duke u thënë: “Mendoni se keni gjetur një tradhtare? Turp të keni!”