Një gazetar holandez, i quajtur Robert Dulmers është shpallur nga Ukraina person “non grata” dhe i është ndaluar hyrja në këtë shtet deri në vitin 2032, pasi akuzohet se ka zbuluar sekrete shtetërore pasi filmoi një lëshim rakete nga Odesa.
Më 3 prill në orën 6:26 të mëngjesit, Dulmers ngarkoi një video në profilin e tij në Twitter të një sulmi të madh me raketa në depot e naftës afër qendrës së Odesës në Ukrainën jugperëndimore.
Rreth orës 8 të mëngjesit, komuna e Odessa lëshoi një deklaratë se gjashtë raketa u hodhën aty, e ky ishte sulmi i parë i madh në qytetin ukrainas që nuk e kishte njohur luftën në këto javë.
“Ata besonin se ajo që postova mund të përdorej nga armiku”, tha Dulmers. “Unë u akuzova si spiun rus”, shtoi ai.
“Telefonova ministrinë holandeze të punëve të jashtme. Ata ranë dakord të më telefononin çdo dy orë për të qenë në kontakt me mua. Më vonë, më thirrën dhe më thanë të zbrisja poshtë pranë makinës sime.
Zbrita dhe pashë një furgon të zi të parkuar pranë makinës sime. Tre burra me rroba të përditshme dolën dhe më rrethuan. Më kapën nga krahu dhe më hoqën telefonin nga duart.
Më mbajtën me forcë. Ata më pyetën nëse flisja rusisht dhe unë thashë jo. Unë u thashë se jam gazetar i akredituar dhe se jam i akredituar, ndaj duhet të jenë më njerëzorë me mua. Një prej tyre më vuri krahun rreth qafës, nxori armën, i hoqi siguresën dhe e vuri tek koka time,” tregon gazetari, raporton Euractiv.
Më pas e çuan në komisariat, ku i thanë se ai ishte shpallur person non grata për ekspozimin e sekreteve shtetërore.
EURACTIV kontaktoi me Daniel Gillissen, zëvendëskryeredaktor i gazetës Nederlands Dagblad, ku Dulmers ka botuar artikujt e tij.
“Ndalimi i Dulmers nga Ukraina është i gabuar pasi ai nuk i dinte rregullat për sekretet shtetërore, dhe as nuk nënshkroi një kontratë që përmend rregullat për atë që mund të ndahet nga gazetarët”, tha Gillissen.
“Ne e kemi kërkuar ministrisë sonë të punëve të jashtme që të marrë më shumë informacion nga Ukraina se pse ai u dëbua dhe nuk mund të kthehet për dhjetë vitet e ardhshme”, shtoi ai.
Pavarësisht situatës, gazetari shpreson të kthehet në Ukrainë dhe të raportojë për pushtimi.