Në Shqipëri falë mbështetjes së qeverisë për sektorin e bujqësisë ka një rritje të konsiderueshme të prodhimit bujqësor në vend që reflektohet tek eksporti i prodhimeve bujqësore.
Kryeministri Edi Rama ka publikuar një video me pamje nga kodrat e Kafarajt dhe Peshtanit në Fier, ku fermerët kanë rritur kapacitetet dhe kultivojnë kultura të ndryshme bujqësore.“Pamje nga kodrat e Kafarajt dhe Peshtanit në Fier”, shkroi Rama.
Fshati Kafaraj i Fierit është një nga pikat më të rëndësishme të prodhimit të luleshtrydhes për eksport. Mbi 8 mijë tonë luleshtrydhe prodhohen vetëm në Kafaraj të Fierit, pjesa më e madhe e të cilave shkon për eksport.
Në Kafaraj kultivohen 160 hektarë me luleshtrydhe, ndërkohë që 8 vite më parë nuk kultivohej asnjë hektar me këtë kulturë bujqësore. Falë skemave mbështetëse të qeverisë për bujqësinë, fermerët kanë rritur sipërfaqet e mbjella me kultura që shkojnë për eksport.