Universiteti i Mjekësisë nuk do të bojkotojë mësimin. Rektori i këtij universiteti Arben Gjata, thotë se Mjekësia nuk ka probleme me rritjen e pagave, ndryshe nga kolegët në Universitetet e tjera që janë në protestë dhe nuk pranojnë që të nisin vitin e ri akademik më 17 tetor.
“Universitetet mund t’i rrisin rrogat derisa të kenë mundësitë financiare. Mjekësia nuk i ka këto probleme ne kemi mundësi t’i rrisim. Në do të fillojmë në 17 tetor vitin akademik por sesi do të zhvillohen ngjarjet koha do ta tregojë”.
I pyetur sesi mund të qëndrojnë studentët e Mjekësisë në vendin tonë, Gjata propozon marrëveshje paraprake për të punuar në Shqipëri kundrejt një burse apo tarifës së studimit.