Një aksion me urdhër të SPAK, pritet që të trondisë botën e krimit në vend. Dalin edhe emrat e katër personazheve të tjerë të botës së krimit që SPAK-u ka lëshuar urdhër arrestet përveç Akil Nerjaku. Plaurent Dervishaj, Julian Mecaj, Bashkim Haxhija dhe Marsel Deçka. Ata dyshohet të kenë gisht në atentatin ndaj ish-prokurorit Arjan Ndojës pasi siguruan kushte dhe mjete për vrasjen.
Plarent Dervishaj u arrestua në Dubai, por u la i lirë, pas shpalljes së tij në kërkim pas rrëfimit të dëshmitarit të drejtësisë Luftar Reçit, i cili ka treguar dinamikën e vrasjes së Klodian Saliut.
Në këtë vrasje, Reçi ka treguar se e ka kryer së bashku me Indrit Taullaun dhe Plaurent Dervishajn. Ndërsa sipas Luftar Reçit, Lulzim Berisha ishte njeriu që i kishte propozuar vrasjen e ish-mikut të tij Saliu, në këmbim të vrasjes së hasmëve të Luftar Reçit