Ushtarët meksikanë vranë gjashtë emigrantë kur hapën zjarr ndaj një automjeti me 33 persona, kur shoferi u përpoq t’i shmangej një patrulle, tha Ministria e Mbrojtjes.
Dhjetë emigrantë të tjerë u plagosën në incidentin, i cili ndodhi në mbrëmje, shtoi ministria. Emigrantët përfshinin shtetas të Egjiptit, Nepalit, Kubës, Indisë dhe Pakistanit, sipas të njëjtit burim.
Në njoftim thuhet se incidenti ka ndodhur pak para orës 21:00 (koha lokale), teksa patrulla po lëvizte në një rrugë pranë qytetit Whistle, rreth 40 kilometra nga Tapachula, në kufirin me Guatemalën.
Kjo masakër u regjistrua ditën kur presidentja e re Claudia Sheinbaum mori detyrën.
Automjeti me emigrantët, një gjysmë kamion i hapur, ndiqej nga dy automjete të tjera. Ushtarët raportuan se kishin dëgjuar të shtëna dhe më pas dy prej tyre hapën zjarr.