Vaji esencial është një lëng i koncentruar hidrofobik dhe përmban aromë bimësh. Është përdorur që në lashtësi, por dekadat e fundit ka ngjallur interes të veçantë me hapjen e aromaterapisë, një degë e mjekësisë alternative që pretendon se vajrat esencialë kanë efekte kurative.
Por sipas eksperteve keto vajra esencialë duhet të përdoren me pakicë dhe me kujdes. Janë të shumtë ata që besojnë se këto vajra janë plotësisht të sigurta sepse kanë përbërje natyralë, por këto vajra kanë substanca që janë jashtëzakonisht aktive dhe mund të irritojnë lëkurën.
Përveç kësaj, për sa i përket kujdesit ekzistojnë disa vajra esencialë që nxisin shërimin, tonifikimin dhe zbardhjen e lëkurës. Sidoqoftë, ato mund të shkaktojnë njëkohësisht reagime të lëkurës, alergji dhe foto-toksicitet, një reagim ndaj dritës së diellit që shkakton skalitje dhe zbardhje të lëkurës.
Pavarësisht nëse jeni një përdorues me përvojë i vajrave esencialë ose do të filloni t’i përdorni menjëherë, është një ide e mirë që së pari të konsultoheni me një aromaterapist. Përveç kësaj, mbani mend se pothuajse gjithmonë duhet t’i përdorni me tretës si: vajra bazë, kremra ose alkool.
Por përsëri, cilësia e tyre duhet të vërtetohet. Vajrat esenciale origjinale janë të shtrenjta, mjafton të themi se duhen 4 ton lule të trëndafilit për të prodhuar vetëm një kilogram vaj esencial!