Balerini shqiptar Ilir Shaqiri ka publikuar pak minuta më parë një video duke bërë pazar në një dyqan të madh lodrash. Sapo hyn në derën kryesore, ai shikon posterat e vajzës së tij, e cila së fundmi ka arritur sukses maksimal me një serial për adoleshentë që ka në qendër muzikën dhe tre vajza të talentuara. Audienca e serialit është aq e madhe sa një pjesë e mirë e lodrave apo produkteve të tjera për fëmijë kanë imazhet e tre vajzave protagoniste. Sigurisht krenaria e një babai është e madhe, jo më kot balerini shqiptar e ka ndarë këtë moment me të gjithë.
Emily ka trashëguar dashurinë për artin dhe muzikën nga i ati dhe së fundmi po zhvillon talentin në disa fusha, balet, këngë dhe aktrim.