Një ditë para përfundimit të afatit të thirrjes për vakancën e krijuar në Gjykatën Kushtetuese që në 7 shkurt të 2018, Presidenti Ilir Meta i është drejtuar me një mesazh juristëve që të aplikojnë.
Meta sqaron se është hera e tretë që e shpall këtë thirrje për një vakancë të krijuar prej 2018 dhe kërkon nga juristët që të aplikojnë dhe mos kenë frikë nga procesi i verifikimit të KED.
Sipas tij, është jetike për Shqipërinë dhe negociatat me BE që Gjykata Kushtetuese të ngrihet sa më parë, por tashmë kanë mbetur edhe një ditë nga afati i thirrjes së tretë të Metës pasi nesër, më 14 tetor përfundon.
Po ashtu Meta u kërkon KED dhe KLGJ të verifikojnë dhe rendisin sa më shpejt kandidatët për anëtarë për Gjykatë Kushtetuese dhe të Lartë dhe sa më parë t’i çojnë listat Presidentit të Republikës.