Vaksinat me teknologji mRNA parandalojnë deri 91% rrezikun e infektimit me koronavirus, sipas një sondazhi nga Qendrat Amerikane për Kontrollin dhe Parandalimin e Sëmundjeve (CDC).
Ky është studimi i parë që tregon se vaksinat e mARN (p.sh. Pfizer / BioNTech dhe Moderna) janë 91% efektive në parandalimin e koronavirusit. 3.975 pjesëmarrës morën pjesë në studimin, i cili zgjati 17 javë rresht dhe u zhvillua në tetë rajone të SHBA-së.
Sipas të dhënave, te personat e vaksinuar plotësisht, rreziku i infektimit me Covid u reduktua deri në 91%, ndërsa te personat që kishin marrë dozën e parë me 81%. Studimi përfshiu rastet asimptomatike, por edhe ata që shfaqën simptoma.
Ndërsa personat të cilët rezultuan pozitivë pavarësisht se ishin vaksinuar, studimi nxori në pah se:
-Kohëzgjatja e sëmundjes ishte një mesatare prej më pak se gjashtë ditësh
-Ata qëndruan të shtruar për më pak se dy ditë
-Rreziku i shfaqjes së simptomave u zvogëlua me rreth 60%.