Kryeministri Edi Rama është shprehur se për ata që kanë marrë dozën e parë të vaksinës, i kanë dhe dozën e dytë aty. Përsa i përkt negociatave për vaksinën, Rama tha se në dy javët e ardhshme do të ketë qartësi, ndërsa bëri të ditur se kanë nisur negociatat dhe me AstraZeneca.
“Për ata që kanë marrë dozën e parë, patjetër që vaksinat janë aty, për këtë arsye është bërë dhe kalkulimi, që të mos ketë asnjë që të humbi procesin për shkak të mungesës së vaksinës. Pfizer ka një problem të madh aktualisht me të gjitha vendet. Besoj e keni ndjekur që Italia ka kërcënuar me proces gjyqësor, për shkak se i janë bllokuar ato dozat e premtuara, sepse Pfizer ka lajmëruar një stok për zgjerimin e bazës prodhuese dhe faktikisht ne jemi në kontakt, jo njëherë po nuk e ekzagjeroj, shtatë herë në ditë për të bërë të mundur që ata të respektojnë kontratën me ne dhe të na sjellin paketën e parë të dozave. Po siç e kam thënë më parë nuk jemi vetëm në dorë të Pfizer, jemi duke negociuar me AstraZeneca, shpresoj në ditët në vijim të jap lajm të mirë për të. Asnjëerë nuk mund të thuhet me saktësi kur mund të ndodhin gjërat. Me plot gojën mund të thuhet që Shqipëria nuk është pas askujt dhe shqiptarëve nuk do tu mungojë kujdesi për të dalë sa më parë nga kjo flamë nga kjo fazë kaq e vështirë e luftës me COVID”, tha Rama.
Ai tha se shpreson të japë lajme të mira së shpejti. “Së shpejti, shpresoj të japim lajme të mira. Për momentin jemi në komunikim të vazhdueshëm me Pfizer dhe shpresojmë që Pfizer të lëshojë një pjesë të paktën të dozave që ka premtuar. Besoj në dy javët e ardhshme do të kemi stabilitet dhe qartësi dhe do të jemi më shumë se sa çdini dhe çdimë akoma sot”, tha ajo.