Ministrja e Shëndetësisë Ogerta Manastirliu ka inspektuar qendrën e vaksinimit të operatorëve turistikë në qytetin e Vlorës, ku tha se në spitale numri vijon të jetë në rënie ndërsa procesi i vaksinimit duhet të vijojë me intensitet, për të pasur një sezon veror më të lehtësuar.
Edhe këtë vit tha ministrja sezoni turistik do të jetë nën protokolle që duhen zbatuar nga qytetarët.
“Situata e qëndrueshme, e kontrolluar. Në spitale numrat vijojnë të jenë në rënie, por duhet vijuar me intensitet vaksinimi. Qendra shënddtësore verore të mirëstrukturuara, me stafe që janë vaksinuar për të filluar më 15 qershor hapjen e qendrave shëndetësore verore, gjatë bregdetit dhe nëzonat malore që janë pika turistike. E kemi pjesë të planit tonë dhe këtë vit vera do të jetë sërish nënprotokolle të cilat duhen zbatuar nga qytetarët dhe operatorët turistike, por do të jetë më e lehtësuar sepse ia kemi dalë të vaksinojmë shumë shpejt për të arritur objektivin 1 milionë të vaksinuar në qershor”, tha ajo.