Analisti Lorenc Vangjeli në studion e ‘Stay Tuned’ në MCN ka komentuar lidhur me ngjarjet e ndodhura këto ditë në vend ku u ndal dhe te gjyqi që ne i bëjmë rasteve të ndryshme pa u bërë një hetim. Ai theksoi se fabulat janë të thjeshta në dukje, por gjithçka është ndryshe nga ajo që serviret. Më tej ai tregoi dhe dy mëkatet me të mëdha në Tiranë, ku veçoi si krim faktin e të qenurit i varfër.
Duhet hetim për të vendosur fajtorin pas çdo ngjarje, sepse nuk mundemi ne të bëjmë prokurorin, gjykatësin, kur këtë ja kemi deleguar sistemit të drejtësisë. E frikshme është se dënimin dhe ndëshkimin se japim si akt në vetvete, pavarësisht se po thyhet një mit, secili tenton të hyjë te ajo flluskë. Pra nuk është akti, por problemin që e bën tjetri dhe jo ti. Dy janë mëkatet fillestare në Tiranë, i pari faji i madh i të qenurit i varfër, sepse këtu të jesh i varfër sot është krim dhe nga ana tjetër kam përshtypjen se në Tiranë pa mëkate janë ata që s’kanë pasur mundësi të bëjnë mëkate”, thotë Vangjeli.