Vatra aktive e zjarrit e shkaktuar një ditë më parë në malin e Çikës, po rrezikon Parkun Kombëtar të Llogarasë.
Vatra vijon të jetë ende aktive dhe deri më tani janë djegur 5 hektarë shkurre. Zjarri ka përparuar në jug të Malit të Çikës në drejtim të Llogarasë. Edhe pse është larg Parkut Kombëtar, por mësohet se po krijohet një grup për mbajtjen nën kontroll.
Forcat e zjarrfikësve të Himarës, por dhe prefektura e Vlorës ndodhen në terren për ta mbajtur nën kontroll, pasi era që fryn nga jugu po përkeqëson situatën dhe i çon flakët e zjarrit drejt Llogarasë.
