Disa vatra zjarri janë aktivizuar këtë të premte në Fier, në afërsi të kodrave të Vajkanit, në Pishporo dhe në Levan.
Të favorizuara nga era e fortë, flakët janë përhapur me shpejtësi duke rrezikuar edhe banesat aty pranë.
Në ndihmë të ekipeve zjarrfikësve kanë shkuar dhe banorë të zonës.
Sipas shefit të shërbimit zjarrfikës të Fierit, Zija Hyka, përveç erës, edhe terreni i vështirë nuk ndihmon në neutralizimin e situatës.
Ndërkohë përveç 3 vatrave në Fier, një tjetër vatër zjarri është aktive në Vlorë.