Sot kemi hyrë në ditën e 20-të të pushtimit rus ndërsa Ukraina vazhdon të mos dorëzohet. Forcat ukrainase kanë vendosur të hapin nëntë korridore humanitare ditën e sotme për të evakuuar banorët të cilët ndodhen të bllokuar në qytetet e bombarduara. Ky lajm është pohuar edhe nga zëvendëskryeministri i Ukrainës, raporton “Skynews”.
Pavarësisht përpjekjeve të mëparshme të dështuara për evakuimin e civilëve, Ukraina do tentojë sërish sot të evakuojë qytetarët e saj në rrugë të sigurt.
Ndërkohë sot planifikohet të vazhdojë raundi i katërt i negociatave për paqen midis Rusisë dhe Ukrainës.
Një zyrtar i lartë i mbrojtjes amerikane tha se pothuajse të gjitha ofensivat ushtarake ruse në Ukrainë, kanë ngecur, pas një përparimi të vogël që kanë bërë në fundjavë. Zyrtari i Pentagonit tha se trupat ruse janë ende rreth 15 kilometra larg qendrës së Kievit.