Shoqja e viktimës Merushe Gjuzi me të cilën udhëtonin këtë mëngjes nga Peqini drejt Elbasanit, tha se 55-vjeçarja kishte debatuar me bashkëshortin e saj. Ishte sherri me të që e detyroi të kryente këtë veprim ekstrem të hedhjes nga furgoni, sipas dëshmitares.
“Gjithmonë rrinim të ulura në vendin e parë të furgonit, por këtë mëngjes deshi të ulej pas dhe u ul vetëm”, ka thënë shoqja e viktimës. Po ashtu mësohet se shoferi i furgonit është shoqëruar në Komisariat.
“Rreth orës 09:00, në aksin rrugor Peqin-Elbasan, në fshatin Papër, shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S.T., 30 vjeç, dyshohet se ka hapur derën e pasme të furgonit dhe është vetëhedhur. S
i pasojë e dëmtimeve, shtetasja M. Gj. ka humbur jetën. Drejtuesi i furgonit, shtetasi S.T, po shoqërohet në Komisariat, për sqarimin e rrethanave të ngjarjes.Shërbimet e Policisë dhe grupi hetimor ndodhen në vendngjarje dhe po punojnë për sqarimin e plotë të rrethanave të kësaj ngjarjeje”, sipas policisë.