Një ditë pas ngjarjes së rëndë në Himarë, ku humbi jetën një 7-vjeçare pasi u përplas me skaf nga ish-oficeri i policisë, Arjan Tase, qytetarët në Shëngjin kanë marshuar në shenjë homazhi.
Me lule të bardha në duar, qytetarët kanë marshuar drejt bregdetit ku kanë mbajtur një minutë heshtje.
I pranishëm ishte dhe Dom Gjergj Meta i cili në breg të detit ka bërë edhe një lutje për shpirtin e Jonadës së vogël.
Qytetarët më pas kanë hedhur lulet në det, si shenjë përkujtimi të 7-vjeçares.