Vdekja ditën e djeshme e futbollistit Hoze Antonio Rejes, shtangu të gjithë botën e futbollit, pas një aksidenti automobilistik.
Gjithsesi, përveç mesazheve të shumta ngushëlluyese, është ish-portieri i Realit të Madridit dhe Valencias, Santiago Kanizares, i cili bën një postim ndryshe në “Twitter”.
“Të qarkullosh me një shpejtësi tej normave është e dënueshme. Në aksident ka pasur edhe viktima të tjera, veç shoferit Rejes. Ai nuk meriton të ‘vishet’ si hero. Por, kjo gjithsesi nuk do të thotë se nuk hidhërohem nga ajo që ndodhi. Lutem për shpirtin e tij” – shkruan Kanizares.
Të shumta ishin kritikat që mori nga tifozë dhe lexues të ndryshëm, dhe Kanizares reagoi sërish, duke u sqaruar më mirë, dhe duke thënë se statusi i tij kishte të bënte vetëm në lidhje me aksidentin, dhe jo karrierën e tij: “Ndoshta nuk u shpjegova qartë. Sigurisht që ai meriton vlerësim dhe një kujtim të gjatë për karrierën dhe kontributin e tij në futboll”.