Detaje të reja dalin në dritë për vdekjen e mistershme të katër turistëve rusë në një hotel luksoz në Qerret.
Bëhet e ditur se prokuroria i ka kërkuar ndihmë një kompanie me licencë ndërkombëtare për të bërë analizat e ujit të pishinës ku humbën jetën Sergei Burenkov, bashkëshortja e tij, Natalia Burenkova, dhëndri Nikita Belousov, dhe vajza Ekaterina Burenkova.
Mësohet se ISHP ka refuzuar kërkesën e prokurorisë për të bërë analizat e pishinës me faktin se mostra e ujit nuk ishte marrë në formën e duhur ligjore.
Dyshimet e deri tanishme janë se ata mund të kenë gjetur vdekjen për shkak të klorit të përdorur, megjithatë fakti që mjekësia ligjore ende nuk e ka thënë fjalën e saj do duhet pak kohë në konfirmimin e shkakut zyrtar. Trupat e pajetë të 4 shtetasve rusë i janë dorëzuar familjarëve në Rusi. Sipas asaj që ka lënë të kuptohet ambasada ruse sipas legjislacionit rus trupat e tyre do i nënshtrohen një ekspertize mjekoligjore për të përcaktuar shkaqet.